Gilas Pilipinas tinalo ng Turkey sa tune-up game sa Istanbul
Tinalo ng koponan ng Turkey ang Gilas Pilipinas sa kanilang tune-up game na bahagi ng paghahanda para sa Fiba Olympic Qualifying Tournaments.
Sa score na 84-73 ay nagwagi ang Turkey kontra Gilas sa laban na ginanap sa Besiktas Akatlar Culture and Sports Complex sa Istanbul.
Nakapag-ambag si Justin Brownlee ng 21 points at 5 rebounds habang si June Mar Fajardo ay nag-ambag ng 17 points.
Nagtala naman ng 7 points si Kai Sotto subalit na-foul out ito sa nalalabing dalawang minuto ng laban.
Noong Linggo, tinalo ng Gilas Pilipinas ang koponan ng Taiwan sa tune-up game na ginanap sa PhilSports Arena. (DDC)
