P1M na halaga ng shabu nakumpiska; HVI nadakip sa Taguig City
Nadakip ng mga operatiba ng Taguig City Police Station Drug Enforcement Unit ang isang high-value individual (HVI) at nakumpiska ang 150 gramo ng hinihinalang shabu na nagkakahalaga ng ₱1,020,000 sa ikinasang matagumpay na buy-bust operation sa Barangay Upper Bicutan sa lungsod ngayong Martes, June 25.
Kinilala ang suspek na si alyas Abel, 39-anyos, na naaresto sa paglabag sa kasong Comprehensive Dangerous Drugs Act of 2002.
Sa gitna ng operasyon nakumpiska ng otoridad ang anim na pakete na naglalaman ng umano’y ilegal na droga, pulang pouch, digital weighing scale, at buy-bust money.
Nakakulong ang suspek sa detention facility ng Taguig PNP habang inihahanda na ang pagsasampa ng kaso laban dito. (Bhelle Gamboa)
