Top 6 Most Wanted Person ng SPD nadakip sa Las Piñas City
Napasakamay ng otoridad ang tinaguriang Top 6 Most Wanted Person ng Southern Police District ang lalaking nahaharap sa dalawang bilang ng kasong rape sa Las Piñas City.
Dakong alas-5:00 ng hapon nitong Biyernes naaresto ng mga tauhan ng Warrant & Subpoena Section at Station Intelligence Section ng Las Piñas City Police Station si alyas Marven, 30-anyos, sa Hall of Justice, Las Piñas City Hall Compound, Barangay Pamplona 3 sa lungsod.
Dinakip ang suspek sa bisa ng warrant of arrest para sa dalawang kaso ng rape na inisyu ni Las Piñas Regional Trial Court Branch 199 Presiding Judge Nerina C.N. Anastacio Mendinueto of Regional Trial Court Branch 199.
Walang inirekomendang piyansa ang korte sa pansamantalang paglaya ng biktima.
Nakapiit ang suspek sa Las Piñas PNP habang nakabinbin ang legal proceedings nito. (Bhelle Gamboa)
