Estado ng nawawalang Pinoy seaman ng M/V Tutor wala pang linaw

Kinumpirma ng Department of Migrant Workers (DMW) na hindi pa makumpirma ang estado o kalagayan ng Pilipinong seafarer ng MV Tutor na nawawala matapos ang pag-atake ng mga rebeldeng Houthi sa naturang barko sa Red Sea.

Nakipagpulong na ang Embahada ng Pilipinas sa Athens sa pamumuno ni Ambassador Giovanni Palec sa M/V Tutor shipping principal.

Magsasagawa naman ng search operations kapag nasa ligtas na pantalan o port na ang nasabing barko.

Nakausap na rin ng Overseas Workers Welfare Administration (OWWA) at DMW ang pamilya nang nawawalang Pinoy seaman.

Patuloy ang pagbibigay ng suporta at tulong na kinakailangan ng pamilya. (Bhelle Gamboa)