2 bagong High-Speed Response Boats inilunsad ng Coast Guard sa Cagayan
Inilunsad ng Philippine Coast Guard District North Eastern Luzon (CGDNELZN) ang dalawang High-Speed Response Boats (HSRBs) nito na HSRB-017 at HSRB-018.
Pinangunahan ni District Commander, CG Captain Ludovico Librilla Jr. ang seremonya na ginanap sa Sta. Ana, Cagayan.
Ang dalawang HSRB ay gumagamit ng makabagong teknolohiya at cutting-edge navigational equipment.
Ayon kay Librilla, malaking bagay ang dalawang High-Speed Response Boats, para magampanan ng Coast Guard ang tungkulin nitong magligtas ng buhay at pangalagaan ang karagatan. (DDC)
