3 drug suspects huli sa P400K na halaga ng shabu sa Makati City
Dinakip ng mga operatiba ng Station Drug Enforcement Unit at Poblacion Sub Station 6 ng Makati City Police ang tatlong suspek matapos makumpiska ang 60 gramo ng umano’y shabu na nagkakahalaga ng P408,000, sa isinagawang buy-bust operation sa Barangay Guadalupe Viejo sa Makati.
Ang mga naarestong suspek ay kinilalang sina alyas Silvestre (HVI), 34-anyos; alyas Tarek (SLI), 23-anyos at alyas Bebang (SLI), 37-anyos.
Isang pulis na nagsilbing poseur biyer ang nakabili umano ng droga sa mga suspek na nagresulta ng kanilang pagkakaaresto.
Kabilang sa narekober na ebidensiya ang isang knot-tied transparent plastic bag at limang pakete na naglakaman ng sinasabing shabu, buy-bust money at cellphone.
Nakakulong ang mga suspek sa Makati PNP at sasampahan ng Comprehensive Dangerous Drugs Act of 2002. (Bhelle Gamboa)
