Las Piñas-BFP, may bagong hepe
May bago ng hepe ang Las Piñas City Bureau of Fire Protection (BFP) sa katauhan ni Fire Superintendent Josephus Alburo.
Malugod na tinanggap ni Vice Mayor April Aguilar ang bagong BFP chief ng lungsod, sa idinaos na lingguhang pagtataas ng bandila ng bansa sa Las Piñas City Hall grounds kahapon.
Siniguro ni FSupt. Alburo ang patuloy na pagsusulong sa mga hakbang para sa kaligtasan ng mamamayan kontra sunog at maagap na pagtugon sa mga sakuna o emergency sa lungsod.
Binigyang-diin naman ni VM Aguilar ang pangako ng Pamahalaang Lungsod sa serbisyo publiko at ugnayang pangkomunidad.
Ang pagtitipon ng mga opisyales at empleyado ng lokal na pamahalaan sa naturang seremonya ay pagbibigay-pugay sa kanilang tungkulin at ikinatuwa ang bagong liderato ng BFP para sa kaligtasan ng mga Las Piñero. (Bhelle Gamboa)
