Las Piñas Gov’t magsasagawa ng Independence Day Job Fair

Magsasagawa ang Pamahalaang Lungsod ng Las Piñas ng Independence Day Job Fair sa magkahiwalay na lugar bukas, Araw ng Kalayaan.

Ang job fair ay pangungunahan ng Public Employment Service Office sa direktiba nina Mayor Mel Aguilar at Vice Mayor April Aguilar para sa tuloy-tuloy na serbisyo sa mga aplikanteng Las Piñero.

Magsisimula ang job fair sa ganap na alas-9:00 ng umaga hanggang 3:00 ng hapon sa Robinson’s Place Las Piñas at SM Center Las Piñas.

Pinapayuhan ang mga aplikante na magdala ng tatlo o higit pang resumes o biodata, ballpen at magsuot ng corporate attire.

Patuloy ang lokal na pamahalaan sa pagtataguyod ng mga hakbang nito upang siguruhin ang matatag na kabuhayan ng mga residente. (Bhelle Gamboa)