6 patay, 1 sugatan sa nasunog na bangka sa Cebu
Anim na ang kumpirmadong nasawi habang 1 ang sugatan matapos masunog ang isang fishing banca sa Naga, Cebu.
Ayon sa Philippine Coast Guard (PCG) natanggap nila ang report sa sunog sa FBCA KING BRYAN dakong 8:25 ng gabi ng Miyerkules, June 5.
Agad rumesponde ang mga tauhan ng Coast Guard District Central Visayas (CGDCV) sa lugar na pinangyarihan ng insidente.
Tumulong din ang tugboat na MTUG HOMAM sa pag-apula ng apoy.
Ayon sa PCG, mayroong 12 crew ang nasunog na bangka.
Sa nasabing bilang, 6 ang nailigtas at 1 dito ang kritikal ang kondisyon matapos magtamo ng 3rd degree burn.
Umabot naman na sa 6 ang na-recover na bangkay. (DDC)
