Tatlong araw na tigil-pasada ikakasa ng Manibela

Maglulunsad ng 3-araw na tigil-pasada ang grupong Manibela sa Independence Day.

Sa press conference, sinabi ni Manibela president Mar Valbuena, ikakasa ang tigil-pasada sa June 10 hanggang June 12.

Ito ay bilang protesta nakatakdang paghuli sa mga PUJ na hindi nakalahok sa consolidation program.

Ayon kay Valbuena, sa pagdinig sa Kamara, sumang-ayon ang mga Kongresista na hindi muna dapat hulihin ang mga unconsolidated PUJs.

Naniniwala ang grupo na ang mga PUJs na unconsolidated ay walang nilalabag dahil mayroon silang balidong prangkisa.

Ipinaalala din ng Manibela sa DOTr at LTFRB na napagkasunduan sa pagdinig sa Kamara na bigyan ng 1-taon pa ang mga hindi nakalahok sa consolidation. (DDC)