43 insidente ng volcanic earthquakes naitala sa Mt. Kanlaon
Nakapagtala ang Phivolcs ng 43 insidente ng volcanic earthquakes sa Bulkang Kanlaon sa nakalipas na magdamah.
Ayon sa Phivolcs, ang naitalang pagputok ng bulkan noong Lunes (June 3) ay tumagal ng 6 na minuto.
Umabot sa 5,000 metro ang taas ng ash plume na ibinuga ng bulkan.
Dahil nakataas ang Alert Level 2 sa Mt. Kanlaon, mahigpit na ipinagbabawal ang pagpasok sa loob ng 4 kilometer radius Permanent Danger Zone nito.
Pinaalalahanan ang mga residente malapit sa bulkan na maaaring magkaroon ng pagputok ng steam o phreatic explosions. (DDC)
