P340K shabu nakumpiska sa Taguig drug bust ops, lalaki tiklo
Nakumpiska ng mga tauhan ngTaguig City Police Station ang P340,000 na halaga ng umano’y shabu mula sa isang tinaguriang high-value individual (HVI) sa isinagawang buy-bust operation sa Cayetano Boulevard, Barangay Ususan sa lungsod.
Kinilala ang naarestong suspek na si alyas Mac-Mac, 33-anyos.
Dakong alas-5:00 ng madaling araw nang maaresto ang suspek ng mga operatiba ng Station Drug Enforcement Unit (SDEU) kung saan narekober ang tinatayang 50 gramo ng sinasabing ilegal na droga, navy blue sling bag; at buy-Bust money.
Dinala ang nakumpiskang ebidensiya sa SPD Forensic Unit upang suriin habang inihahanda na ng otoridad ang pagsasampa ng kasong paglabag sa Comprehensive Dangerous Drugs Act of 2002 laban sa suspek. (Bhelle Gamboa)
