3 suspek timbog sa P340K shabu sa Parañaque City
Napasakamay ng mga tauhan ng Parañaque City Police ang tatlong suspek matapos makumpiskahan ng umano’y shabu na nagkakahalaga ng P340,000 sa ikinasang buy-bust operation sa Lopez Jaena Extension, Barangay San Dionisio sa lungsod dakong alas-8:30 ng umaga ngayong May 30.
Ang mga naarestong suspek ay sina alyas “Ailyn”, 28-anyos; alyas “Carmela”, 34-anyos; at alyas Alfie, 38-anyos at mahaharap sa paglabag sa kasong Comprehensive Dangerous Drugs Act of 2002 (R.A. 9165).
Pinangunahan ng Station Drug Enforcement Unit (SDEU) ng Parañaque CPS ang naturang operasyon na nagresulta ng pagkakakumpiska ng tinatayang 50 gramo ng sinasabing ilegal na droga,buy-bust money at itim na pouch.
Itinurn-over ang narekober na ebidensiya sa Southern Police District Forensic Unit (SPDFU) para sa chemical analysis. (Bhelle Gamboa)
