Pang. Marcos binati si VP Sara Duterte sa kaniyang Kaarawan

Binati ni Pangulong Ferdinand “Bongbong” Marcos Jr. ng “Happy Birthday” si Vice President Sara Duterte.

Nagdiwang si Duterte ng kanyang ika-46 na kaarawan kahapon, Mayo 31.

Sa Facebook post ng Pangulo, maiksi subalit naging makabuluhan ang pagbati nito sa kalihim ng Department of Education (DepEd).

“Happy birthday, Inday Sara! Pinalalakas ng ‘yong sipag at pagmamahal sa bayan ang ating mga kabataan at kaguruan,” pahayag ni Pangulong Marcos.

“Ipagpatuloy lang natin ito para sa isang matatag na edukasyon sa ilalim ng Bagong Pilipinas!” dagdag ng Pangulo..

Maging ang Presidential Communications Office ay nagpaabot ng pagbati kay Duterte.

“Dalangin namin ang iyong mabuting kalusugan at tagumpay sa paparating na mga taon. Kami ay taos-pusong nagpapasalamat sa iyong paglilingkod sa bayan, lalo na sa mga mag-aaral at gurong Filipino,” saad ng PCO. (DDC)