Pangulong Marcos sinabing wala siyang kinalaman sa pagpapalit ng liderato sa Senado

Walang kinalaman si Pangulong Ferdinand “Bongbong” Marcos Jr. sa pagpapalit ng liderato sa Senado.

Sa Kapihan with the media sa Brunei, inamin ni Pangulong Marcos na batid niya na papalitan ni Senador Francis Escudero si Senator Juan Miguel Zubiri.

Ayon sa pangulo, hindi niya alam kung ano ang sinasabi ni Zubiri na utos sa kanya na hindi niya nagawa at hindi pa rin sila nagkaroon ng pagkakataon para makapag-usap.

Ayon kay Pangulong Marcos, nalaman lamang niya na mapapalitan na ang liderato sa Senado nang tanungin kung ano ang kanyang reaksyon.

Sa kabila nito, sinabi ni Pangulong Marcos na may tiwala pa rin naman siya kay Zubiri.

Ayon sa pangulo, hindi naman sa kanya nagmula ang desisyon na magpalit ng liderato kundi sa mga senador kaya hindi magbabago ang kaniyang pagtingin sa dating senate president. (DDC)