P21M na halaga ng smuggled na sigarilyo nakumpiska sa Davao Occidental
Naharang ng mga tauhan ng Philippine Navy ang isang motorized banca na may kargang kahon-kahong smuggled na sigarilyo.
Ayon sa Naval Forces Eastern Mindanao, ang bangka na may markang “Vikings: ay may lulang 422 master cases ng smuggled na sigarilyo na nagkakahalaga ng P21 million.
Naharang ang bangka sa karagatang sakop ng Balit Island sa Davao Occidental habang nagsasagawa ng maritime patrol ang BRP Dioscoro Papa.
Inaresto ang pitong crew ng bangka at kinumpiska ang mga sigarilyo na nakatakda sanang dalhin sa Digos City, Davao Del Sur. (DDC)
