6 patay, 8 sugatan sa pananalasa ng bagyong Aghon

Nakapagtala na ng anim na katao na nasawi dahil sa pananalasa ng Typhoon Aghon.

Ayon kay Office of the Civil Defense (OCD) spokesperson Edgar Posadas, sa nasabing bilang, 1 pa lamang nakukumpirma at nakilala habang ang 5 ay patuloy pa ang beripikasyon.

Ang isang nasawi sa Region 10 ay 14-anyos na babae na mula Misamis Oriental.

Ani Posadas, ang biktima ay nabagsakan ng puno.

Nakapagtala din ang NDRRMC ng walong nasugatan sa Bicol Region at Northern Mindanao. (DDC)