Driver na nagpakilalang kunektado sa DOTr ng mahuli dahil sa pagdaan sa EDSA Busway, padadalhan ng Show Cause Order

Hihilingin ng Special Action and Intelligence Committee for Transportation (SAICT) na maisyuhan ng ng Show Cause Order ang driver na nagpakilalang kunektado sa Department of Transportation (DOTr) matapos siyang masita dahil sa pagdaan sa EDSA Busway.

Dumaan sa EDSA Busway ang isang Ford Ranger noong gabi ng May 26, at nasita ito sa bahagi ng Ortigas Station Northbound.

Nang siya ay masita, ipinagyabang pa ng driver ng Ford Ranger na siya ay kunektado sa DOTr at tumanggi na sumunod sa instructions ng mga otoridad.

Nagbigay pa ng calling card ang driver na nagpapakita ng logo ng Philippine National Railways (PNR).

Hindi rin nagpakita ng OR – CR ng sasakyan ang driver at sa halip ay umalis agad sa lugar.

Tiniyak ng SAICT na mapapanagot ang driver ng nasabing sasakyan dahil sa kaniyang paglabag. (DDC)