Lalaking wanted sa kasong murder inaresto habang sakay ng RoRo Vessel sa Zamboanga City

Inaresto ng mga otoridad ang isang lalaki na wanted sa kasong murder habang lulan ito ng isang RoRo Vessel sa Zamboanga City.

Sa ulat ng Philippine Coast Guard (PCG), ang lalaki na kinilalang si Sakib Ganih ay mayroong outstanding warrant of arrest para sa kasong murder na inisyu ni Judge Shene Cañete ng Regional Trial Court (RTC) Ninth Judicial Region Branch 4 sa Parang, Sulu.

Unang nakatanggap ng impormasyon ang Coast Guard Sea Marshal Force (CGSMF) na si Ganih ay lulan ng barko na umalis ng Jolo at patungo ng Zamboanga City.

Ang naarestong wanted individual ay agad dinala sa Zamboanga City Police Office (ZCPO) Station 11. (DDC)