500 pang PDLs ng Bilibid inilipat sa Davao prison facility
Ligtas na nakarating sa Davao Prison and Penal Farm (DPPF) ang inilipat na 500 pang persons deprived of liberty (PDLs) mula sa New Bilibid Prison (NBP) sa Muntinlupa City iniulat ng Bureau of Corrections.
Ang mga PDL ay manunuluyab sa dalawang bagong pasilidad ng DPPF.
Ayon kay BuCor Director General Gregorio Pio P. Catapang Jr. ang mga bagong gawang pasilidad ay kayang tumanggap ng kabuuang 2,400 PDLs.
Sinabi ni Catapang na target nilang ilipat ang 15,500 PDLs ngayong 2024 sa iba’t ibang prison and penal farm ng BuCor bilang bahagi ng kanilang decongestion program.
“So far we have transferred 4,600, kaya medyo marami rami pa tayong ililipat, but hopefully we will hit our target by the end of the year,” ani Catapang. (Bhelle Gamboa)
