Escudero papalit kay Zubiri bilang bagong Senate president
Kinumpirma ni Senate President Juan Miguel “Migz” Zubiri na papalitan na siya sa pwesto bilang pinuno ng senado.
Sa isang panayam sinabi ni Zubiri na si Senator Francis “Chiz” Escudero na ang magiging bagong Senate President.
Ayon kay Zubiri, ginawa niya ang lahat upang protektahan ang independensya ng Senado pero marahil ay mayroon aniyang ayaw ng ganong sistema at nais na maging sunud-sunuran ang Senado.
Ani Zubiri, isang karangalan na pagsilbihan ang sambayanan bilang Senate President.
Una ng umugong ang mga balita na papalitan si Zubiri bilang Senate President matapos na mabigo umano itong pigilan ang Senate investigation hinggil sa “PDEA leaks”. (DDC)
