Facebook Group sa Baguio City na ginagamit bilang sex booking site pinaiimbestigahan na
Iniutos na ni Baguio City Mayor Benjamin Magalong na maimbestigahan ang social media group na ginagamit bilang sex booking site.
Sa nasabing group ay nag-aadvertise ng sexual service na may kapalit na kabayaran.
Ayon sa Baguio City Public INformation Office (PIO), inaalam na ng Baguio City Police Office sa pamumuno ni PSupt. Francisco Bulwayan Jr. kung sino ang nasa likod ng naturang social media group.
Sa inisiyal na imbestigasyon, hindi taga-Baguio City ang admin ng naturang Facebook Group. (DDC)
