P5,000 cash assistance sa lahat ng magtatapos na estudyante, peke ayon sa DSWD

Itinanggi ng Department of Social Welfare and Development (DSWD) ang ipinakakalat na impormasyon sa social media na bawat estudyanteng magtatapos ngayong taon ay tatanggap ng P5,000 na cash assistance mula sa ahensya.

Sa inilabas na abiso ng DSWD, sinabing walang ganitong uri ng programa ang kagawaran.

Pinaalalahanan din ng ahensya ang publiko na hindi hihingin ng kanilang mga kawani ang mga personal na impormasyon dahil ito ay labag sa Data Privacy Act of 2012.

Ayon sa DSWD, dapat iwasan ang pag-click at oagbahagi ng mga hindi beripikadong link.

Ang updates sa mga programa at aktibidad ng ahensya ay makikita sa official na social media accounts at website ng DSWD. (DDC)