F2F classes sa Las Piñas suspendido hanggang May 3

Nananatiling suspendido ang face-to- face classes sa lahat ng antas ng pampublikong paaralan sa Las Piñas City ngayong Huwebes, May 2 hanggang Biyernes, May 3.

Ang suspensiyon ng F2F classes ay sa sa direktiba ni Las Piñas City Mayor Imelda T. Aguilar bunsod ng inaasahang mataas at mapanganib na heat index level ayon sa Las Piñas City Disaster Risk Reduction and Management Office.

Pinapayuhan ang mga pampublikong paaralan na mag-online o asynchronous classes muna habang ipinauubaya naman sa pamunuan ng mga pribadong paaralan ang desisyon kung magpapatupad ng kaparehong pamamaraan ng pagtuturo o mode of learning. (Bhelle Gamboa)