46 escalator units at 34 elevator units sa MRT-3 fully operational na lahat

Good news!

Fully operational na ang lahat ng escalators at elevators ng MRT-3.

Ngayong araw, August 20 ay nakumpleto na ng Sumitomo-MHI-TESP ang pagkukumpuni sa mga non-operational units.

Ayon sa pahayag ng DOTr MRT-3, magagamit na ng mga pasahero ng MRT-3 ang mga up and running na 46 na escalator units at 34 elevators sa mga istasyon.

Bago pa isagawa ang malawakang rehabilitasyon ng MRT-3, 19 sa 46 escalators at 27 sa 34 elevators lamang ang gumagana sa mga istasyon ng MRT-3.

Ang pagkumpuni sa lahat ng elevators at escalators ay bahagi ng pangalo ni Department of Transportation (DOTr) Secretary Arthur P. Tugade at ng pamunuan ng MRT-3. (END)