Bilang ng mga bisikleta na dumaraan sa EDSA at ibang pangunahing kalsada bumaba ayon sa MMDA

Kinumpirma ng Metropolitan Manila Development Autbority (MMDA) na bumababa na ang bilang ng bisikletang dumaraan sa EDSA.

Inilabas ng MMDA ang average daily count ng mga bisikletang dumaraan sa kahabaan ng EDSA at iba pang pangunahing lansangan mula 2019 hanggang 2023 base sa 14-hour count ng Traffic Engineering Center.

Noong 2023 ay nakapagtala ng daily average na 1,786 na siklistang dumaraan sa buong kahabaan ng EDSA kada araw.

Ayon pa sa ahensiya, bawat taon ay pababa nang pababa ang bilang ng mga dumaraang siklista mula noong 2020 na simula ng pandemya.

Kasama sa pinag-aaralan ng MMDA ang dahilan ng pagbaba ng bilang. (Bhelle Gamboa)