8 trafficking victims na ilegal na pagtatrabahuhin sa Israel nailigtas ng BI
Nailigtas ng mga tauhan ng Bureau of Immigration (BI) ang walong biktima ng illegal recruitment na pagtatrabahuhin sana sa Israel sa kabila ng krisis doon.
Tinangka ng babaeng trafficker na paalisin ang walong biktima sakay ng Emirates airlines flight sa Clark International Airport (CIA) Terminal 2 kung saan pinagpanggap silang pilgrimage.
Kalaunan ay inamin ng mga biktima na sila ay magtutungo sa Israel para magtrabaho bilang hospital at hotel cleaners at pinangakuan sila ng P60,000 hanggang P80,000 na sweldo.
Noong nakaraang taon ay itinaas ng pamahalaan ang Alert level 2 sa Israel kung saan tanging ang mga returning overseas Filipino workers (OFWs) na mayroong existing employment contracts ang papayagang makabalik sa nasabing bansa. (DDC)
