Mahigit P29M na halaga ng marijuana galing Thailand, nakumpiska ng BOC

Nakumpiska ng Bureau of Customs (BOC) sa pamamagitan ng Manila International Container Port (MICP), ang kargamento galing Thailand that na naglalaman ng dried marijuana.

Matapos makatanggap ng derogatory information mula sa Customs Intelligence and Investigation Service (CIIS) ang MICP katuwang ang Philippine Drug Enforcement Agency (PDEA) ay nagsagawa ng X-ray examination at 100% physical examination sa naturang kargamento.

Ang nasabing mga kargamento ay unang idineklara na naglalaman ng motor parts.

Aabot sa P29,499,400 ang halaga ng mga nakumpiskang mahigit 21,000 grams ng marijuana.

Patuloy ang imbestigasyon ng BOC para matukoy kung sino ang nagtangkang magpasok ng mga ilegal na droga sa bansa. (DDC)