F2F Classes sa lungsod ng Maynila suspendido na hanggang Apr. 26

Sinuspinde ni Manila Mayor Honey Lacuna-Pangan ang face-to-face classes sa lahat ng antas sa public at private schools sa lungsod ng Manila bukas, April 25 at sa Biyernes, Apr. 26.

Bunsod ito ng inaasahang matinding init ng panahon na mararanasan sa Maynila sa mga susunod na araw.

Batay sa forecast ng Manila Disaster Risk Reduction Management Office aabot sa danger level na 44°C ang heat index level sa lungsod.

Inabisuhan ang mga paaralan na mag-shift sa asynchronous classes. (DDC)