50 bahay natupok sa sunog sa Pasig City
Sumiklab ang sunog sa isang residential area sa Brgy. Rosario sa Pasig City umaga ng Lunes, Apr. 22.
Malapit sa West Bank Floodway ang lugar na pinangyarihan ng sunog na nagsimula pasado alas 4:00 ng madaling araw at umabot sa ikatlong alarma.
Naideklarang fire out ang sunog alas 7:00 ng umaga.
Ayon sa Bureau of Fire Protection (BFP), 50 bahay na pawang gawa sa light materials ang naapektuhan ng sunog.
Inaalam pa kung ano ang pinagmulan ng apoy. (DDC)
