DepEd kinondena ang pagpatay sa isang Grade 8 student sa Batangas
Kinondena ng Department of Education (DepEd) ang pagpatay sa isang grade 8 student sa Agoncillo, Batangas.
Nagpaabot ng pakikiramay ang DepEd sa pamilya at mga kaibigan ng biktima.
Ayon sa DepEd, walang puwang sa bansa ang ganitong uri ng brutal na pamamaslang lalo na sa mga kabataan.
Nanawagan din ang DepEd sa mga otoridad na gawin ang lahat para mapanagot ang nasa likod ng krimen.
Sa imbestigasyon ng mga pulis, papasok sana ng paaralan ang estudyante ng ito ay tambangan ng gunman.
Nakasuot umano ng itim na jacket at helmet ang suspek at sakay ng motorsiklo.
Patuloy pa ang imbestigasyon para matukoy ang motibo sa krimen at para sa ikadarakip ng suspek. (DDC)
