Pinakamalaking drug haul sa Batangas ininspeksyon ni Pang. Marcos

Nag-inspeksyon ni Pangulong Ferdinand R. Marcos Jr. sa Alitagtag, Batangas kasunod ng pinakamalaking drug haul sa bansa, kung saan nasabat ang halos dalawang toneladang shabu na nagkakahalagang PhP13.3 bilyon.

Ayon sa pangulo, iniimbestigahan na ng mga otoridad ang pinagmulan ng droga.

Patuloy aniya ang holistic approach ng pamahalaan kontra-droga na nakasentro sa public health at pagtugis sa mga malalaking sindikato sa bansa.

Nahuli ang nasabing mga droga sa checkpoint sa Alitagtag noong Lunes kung saan naaresto ang nagmamaneho ng van.

Dahil sa nasabing tagumpay, inirekomenda ng Department of Interior and Local Government (DILG) ang “spot promotion” kay Alitagtag Municipal Police Station Chief P/Captain Luis de Luna Jr. (DDC)