3 dayuhang “sex offenders” na nagtangkang pumasok sa bansa, naharang ng BI

Tatlong dayuhang sex offenders ang hinarang ng mga operatiba ng Bureau of Immigration matapos magpanggap na mga turista sa Ninoy Aquino International Airport (NAIA) Terminal 1.

Hindi umubra sa otoridad ang tangkang pagpasok sa bansa ng tatlong sex offenders na sina Jeffrey William Jewitt, isang American convicted sex offender sa illinois noong 2012; Charles David James Weatherall, convicted sa child pornography sa United Kingdom; at Momodu Wurie Jalloh, isa rin American at convicted sa aggravated sexual assault sa Virginia.

Ayon kay Immigration Commissioner Norman Tansingco na hindi nagawang makalusot sa airport ng nasabing tatlong dayuhan na nagpanggap na pawang turista sa bansa.

idinagdag pa ni Tansingco na isinama na ang tatlong dayuhan sa Immigration blacklist bilang parusa sa pagkakaharang sa mga ito.

Sa ilalim ng Immigration Act, otomatikong hindi papapasukin ng bansa ang mga aliens o foreign nationals na nahatulan ng krimen na kinabibilangan ng moral turpitude. (Bhelle Gamboa)