Pinay nasawi sa sunog sa isang residential building sa UAE

Kinumpirma ng Department of Migrant Workers (DMW) na isang Pinay ang kabilang sa nasawi sa sunog na naganap sa isang residential building sa United Arab Emirates noong Martes ng gabi.

Nagpaabot ng pakikiramay si DMW Officer-in-Charge Hans Leo Cacdac sa pamilya ng pumanaw na Pinay.

Ang mister ng nasabing Pinay ay nagtatrabaho sa UAE bilang skilled worker.

Nasugatan din sa sunog ang lalaki, pero ayon kay Cacdac nakalabas na ito ng ospital at nasa maayos nang kondisyon.

Nabatid na mayroong 11 Pinoy na nakatira sa nasunog na residential building.

Tiniyak ng DMW na pagkakalooban ng tulong ang mga naapektuhan ng sunog. (DDC)