15.4 degrees Celsius naitala sa Baguio City ngayong umaga
Nananatiling malamig ang temperatura sa Baguio City sa kabila ng naitatalang mataas na heat index sa maraming lugar sa bansa.
Naitala ang 15.4 degrees Celsius sa lungsod 5:00 ng umaga ngayong Martes (Apr. 2) batay sa datos ng PAGASA Baguio.
Tinataya namang aabot sa 25.4 degrees Celsius ang maitatalang pinakamataas na temperatura sa lungsod.
Ayon sa PAGASA, makararanas ngayong araw ng bahagyang maulap hanggang sa maulap na papawirin na may isolated na pag-ulan at thunderstorms sa lungsod. (DDC)
