Retired PNP chief Acorda binati at pinasalamatan ni Pangulong Marcos

Binati ni Pangulong Ferdinand Marcos Jr. ang nagretirong si PNP chief Benjamin Acorda Jr. para sa magandang nagawa nito sa pambansang pulisya.

“So, for all these and more, I congratulate and salute General Acorda for a job well done,” ayon sa pangulo sa kaniyang speech sa idinaos na change of command at retirement honors para kay Acorda sa Camp Crame.

Ayon kay Pangulong Marcos ang “Five-Focused Agenda” ni Acorda ay nagsilbing gabay sa hanay ng PNP para magpatupad ng honest law enforcement operations, pagbutihin ang information technology capabilities, at palakasin ang community relations.

Binanggit din ng pangulo ang resulta ng survey ng OCTA Research noong nakaraang taon kung saan ang PNP ay kinilala bilang 3rd Highest Performing at Most Trusted sa 25 ahensya ng gobyerno para sa second quarter ng 2023.

Patunay aniya ito ng pagtitiwala ng publiko at kumpiyansa sa PNP. (DDC)