Mahigit P100K na halaga ng ilegal na droga nakumpiska sa San Mateo Rizal
Dalawang katao ang arestado sa ikinasang buy-bust operation ng mga tauhan ng San Mateo Municipal Police Station sa Brgy. Ampid 1, San Mateo, Rizal.
Nakakulong na ngayon ang dalawang suspek na sina alyas “OSLECK”, 45-anyos at alyas “CHRISTIAN”, 42-anyos na parehong residente ng bayan.
Nabatid na nagbenta ang dalawang suspek sa pulis na nagpanggap na poseur buyer.
Nakuha mula sa mga suspek ang 5 pakete ng hinihinalang shabu na may bigat na 15.6 gramo at nagkakahalaga ng P106,080. (DDC)’
