Number Coding suspendido mula Mar. 27 hanggang 29
Tatlong araw na suspendido ang pag-iral ng number coding ngayong Semana Santa.
Ayon sa Metropolitan Manila Development Authority (MMDA), hindi iiral ang number coding sa Mar. 27, 28, at 29.
Ito ay para mabigyang pagkakataon ang publiko na makabiyahe pauwi sa kani-kanilang probinsya.
Wala ding number coding scheme tuwing Sabado at Linggo.
Paalala ng MMDA, planuhin ang biyahe at mag-ingat sa pagmamaneho. (DDC)
