Mga pasahero nagsimula ng dumagsa sa Batangas Port

Nagsimula na ang pagdagsa ng mga pasahero sa Batangas Port papuntang Puerto Galera, Oriental Mindoro ngayong Martes Santo, March 26.

Ang Puerto Galera ay isa sa mga tanyag na pasyalan tuwing Mahal na Araw.

Bilang bahagi ng Oplan Biyaheng Ayos: Semana Santa 2024, pinapaalalahanan ng Philippine Coast Guard (PCG) ang lahat ng pasahero na manatiling alerto habang naghihintay sa pantalaan at naglalayag sakay ng barko.

Patuloy ang ginagawang monitoring ng PCG sa mga pantalan sa bansa.

Inaasahan ang patuloy na pagdagsa ng mga bibiyaheng pasahero ngayong Semana Santa. (DDC)