Big time oil price hike ipatutupad ng mga kumpanya ng langis sa Martes Santo

Tuloy ang kalbaryo ng mga motorista dahil muling magpapatupad ng malakihang pagtaas sa presyo ng produktong petrolyo ang mga kumpanya ng langis.

Sa abiso ng mga oil company, tataas ng P2.20 ang presyo ng kada litro ng gasolina.

Madaragdagan din ng P1.40 ang presyo ng kada litro ng diesel.

Habang P1.30 ang dagdag sa presyo ng kada litro ng kerosene.

Epektibo ang dagdag presyo bukas, March 26, Martes Santo.

Ang dagdag presyo ngayong linggo ay kasunod ng tatlong sunod na kakarampot na rollback na ipinatupad ng mga kumpanya ng langis. (DDC)