Pinoy fashion designer inireklamo ng defamation ang vlogger na si “Maharlika”
Inireklamo ng isang ng Pilipinong fashion designer na si Peuy Quinones ang vlogger na si Claire Contreras o mas kilala sa YouTube name nito na si “Maharlika”.
Ito ay matapos ang umano’y paninirang-puri ng social media personality sa fashion designer.
Ayon kay Quinones, hindi niya batid ang dahilan ng pag-atake sa kanya ni Maharlika.
Gayunman, sa palagay ni Quinones, tinatarget siya ng vlogger dahil siya ay designer ng pamilyang Marcos.
Si Maharlika ay dating tagasuporta ni Pangulong Ferdinand “Bongbong” Marcos Jr.
Nilinaw ng abogado ni Quinones na mayroong hurisdiksyon ang California kay Maharlika kahit pa nasa Pilipinas ang vlogger dahil dito niya inihayag ang paninirang puri sa fashion designer.
Naghain din ng criminal case si Quinones laban kay Maharlika dito sa Pilipinas. (DDC)
