Shortlist para sa magiging bagong PNP chief isusumite na ng DILG kay Pang. Marcos
Hawak na ni Department of the Interior and Local Government (DILG) Secretary Benhur Abalos Jr. ang tatlong pangalan ng mga heneral na nakikita niyang maaaring pumalit kay Philippine National Police (PNP) Chief, P/Gen. Benjamin Acorda Jr.
Ani Abalos importante ang “output based” para sa susunod na magiging PNP chief.
Aniya magiging hamon sa susunod na PNP chief ang pagtugon sa mga usapin ng cybercrime, illegal drugs, at paglaban sa krimen
Nakatakda ng makipag-usap si Abalos kay Pangulong Ferdinand Marcos Jr. upang ilatag ang shortlist.
Ipapaliwanag din ng kalihim sa pangulo kung bakit sa tingin niya ang mga ito ang posibleng pumalit kay Acorda.
Ayon kay Abalos, sa kabila ng kaniyang magiging rekomendasyon na kay Pangulong Marcos pa rin ang huling pagpapasya sa kung sino ang nais nito na maging bagong pinuno ng PNP.
Hanggang March 31 pa ang ibinigay na extension ng pangulo sa termino ni Acorda. (DDC)
