Magkaibigan arestado sa P800K na halaga ng droga

Arestado ang dalawang high valued individual na sangkot sa pagbebenta ng ilegal na droga matapos mahuli sa ikinasang drug buy-bust operation ng San Mateo Municipal Drug Enforcement Team sa lalawigan ng Riza.

Base sa ulat na natanggap ni PCol Felipe Maraggun, Rizal Police Provincial Director, kinilala ang dalawang suspek na naaresto na sina Alyas Jess, 39-taong gulang at Alyas Mae, 28-taong gulang at parehong nakatira sa San Mateo, Rizal.
Ang mga suspek ay naaresto matapos bentahan ng droga ang isang pulis na nagpanggap na poseur-buyer.

Nakuha sa kanila ang isang pakete ng hinihinalang shabu na may bigat na 1 gramo.
Sa isinagawang inspeksyon, nakuha pa sa dalawa ang 4 na pakete at 2 nakatali na plastic na naglalaman ng hinihinalang shabu na tinatayang nagkakahalagang P816,000.

Napag-alaman ng mga otoridad na dati na ring nahuli ang dalawang suspek sa parehong kaso at ilang beses na ring bumalik sa piitan. (DDC)