PPA General Manager Santiago nag-inspeksyon sa Batangas Port

Nagsagawa ng port inspection si Philippine Ports Authority (PPA) General Manager Jay Santiago sa Batangas Port Passenger Terminal Building (PTB).

Ito ay para tignan ang kahandaan ng pantalan para sa pagdagsa ng mga pasahero sa Semana Santa.

Nagkaroon din ng coordination meeting sa pagitan ng PPA at Philippine Coast Guard (PCG).

Dumalo sa pulong si Santiago at kinatawan ng PCG Southern Tagalog.

Naging sentro ng pagpupulong ang paghahanda ng dalawang ahensya sa Holy Week.

Noong nakaraang taon, umabot sa 17,000 hanggang 20,000 ang mga pasaherong dumagsa sa nasabing pantalan.

Paalala ng PPA sa mga bibiyahe, magpunta sa pantalan tatlo hanggang apat na oras bago ang inyong nakatakdang byahe upang makaiwas sa anumang abala. (DDC)