Miyembro ng Task Force na binuo ng DILG dumating na sa Bohol para imbestigahan ang resort na naitayo sa Chocolate Hills

Dumating na sa Bohol ang anim na miyembro ng Task Force para sa imbestigasyon sa resort na naitayo sa Chocolate Hills.

Ayon kay DILG Sec. Benhur Abalos, sisimulan na ng Task Force ang imbestigasyon sa pamamagitan ng pagbusisi sa mga dokumento sa pagtatayo ng Captain’s Peak Resort sa bayan ng Sagbayan.

Ang Task Force ay binubuo ng legal at technical personnel mula sa DILG.

Ani Abalos, aalamin din ng Task Force kung mayroong maaaring mapanagot sa insidente gayundin ang pagrekomenda sa pagsasampa ng kaso sa mapatutunayang nagkaroon ng paglabag. (DDC)