Burol ng mga nasawing sundalo sa ambush sa Maguindanao del Sur, binisita ni Brawner

Binisita ni AFP chief of staff Gen. Romeo Brawner Jr. ang burol ng apat na sundalong nasawi matapos na tambangan ng mga miyembro ng teroristang grupo sa Maguindanao del Sur noong Linggo, March 17.

Personal na ipinaabot ni Brawner ang pakikiramay sa mga naulilang pamilya.

Kasama ni Brawner na dumalaw sa burol ng mga nasawing sundalo si Maj. Gen. Alex Rillera, commander ng 6th Infantry Division.

Ang mga nasawing sundalo ay sina sina Private Marvin Dumaguing, Private Jessie James Corpuz, Private First Class Carl Araña, at Corporal Creszaldy Espartero.

Tiniyak ni Brawner sa mga naulilang pamilya na tutugisin ang mga nasa likod ng pananambang.

Ang grupo ng mga sundalo ay tinambangan ng mga miyembro ng Dawla Islamiyah – Hassan Group. (DDC)