Palawan 1st Dist. Rep. Edgardo “Egay” Salvame sumakabilang buhay na
Kinumpirma ni House Speaker Ferdinand Martin Romualdez ang pagpanaw ni Palawan 1st Dist. Rep. Edgardo “Egay” Salvame.
Nagpaabot ng pakikiramay si Romualdez sa mga naulila ni Salvame.
Ayon kay Romualdez, si Salvame ay naging “True advocate” para sa Palawan.
Sa pahayag ng pamilya ni Salvame, sinabing pumanaw ang kongresista Miyerkules (Mar. 13) ng umaga subalit hindi binanggit kung ano ang dahilan.
Sinabi ng pamilya, sa maiksing panahon na naging kongresista si Salvame ay sinikap nitong gawin ang lahat ng kaniyang makakaya para makapagdala ng liwanag, tulong, pagbabago, pagmamahal at kalinga sa bawat isang Palawenyo. (DDC)
