Dalawang Pinay boxers nag-qualify para sa 2024 Paris Olympics

Tiyak ng makakalaro sa 2024 Paris Olympics ang dalawang Filipina boxers matapos magwagi sa qualification tournament na ginanap sa Italy.

‘Tinalo ni Aira Villegas ang Bulgarian boxer na si Zlatislava Chukanova via unanimous decision.

Habang si Nesthy Petecio naman ay nagwagi via split decision kontra sa nakalaban nitong Turkish boxer na si Esra Yıldız Kahraman.

Ito ang ikalawang pagkakataon na makalalaro sa Olympics si Petecio matapos magwagi ng silver medal noong 2021 sa Tokyo.

Nagpaabot naman ng pagbati ang Philippine Sports Commission (PSC) kina Villegas at Petecio. (DDC)