2 suspek arestado sa higit ₱353K shabu sa Muntinlupa City
Nahuli ng mga operatiba ng Muntinlupa City Police Station Drug Enforcement Unit ang isang babae at kasama nitong taxi driver na nahulihan ng ₱353,600 na halaga ng umano’y shabu sa ikinasang buy-bust operation sa Biazon Road, Barangay Poblacion sa nasabing lungsod kahapon.
Ang mga suspek ay kinilala sa alyas Jeanyrose, 37-anyos, at alyas Jenard, 37-anyos,isang taxi driver.
Narekober sa dalawang suspek ang tinatayang 52 na gramo ng umano’y shabu, buy-bust money at isang motorsiklo.
Agad dinala ang nakumpiskang ebidensiya sa SPD Forensic unit para sa chemical analysis.
Sasampahan ang suspek sa paglabag sa kasong Comprehensive Dangerous Drugs Act of 2002. (Bhelle Gamboa)
