Baganga, Davao Oriental niyanig ng magnitude 5.0 na lindol

Tumama ang magnitude 5.0 na lindol sa lalawigan ng Davao Oriental.

Naitala ang epicenter ng lindol sa layong 70 kilometers northeast ng bayan ng Baganga, 4:19 ng madaling araw ng Huwebes, March 7.

May lalim na 17 kilometers ang lindol at tectonic ang origin.

Naitala ang Intensity III sa Lingig, Surigao del Sur at Intensity II sa Bislig City, Surigao del Sur.

Samantala, nakapagtala din ng magnitude 4.8 na lindol sa parehong bayan, 5:39 ng umaga.

Sa ikalawang pagyanig ay naitala naman ang Intensity I sa Baganga, Caraga, at Manay, Davao Oriental; Maragusan, Nabunturan, Montevista, at Pantukan, Davao De Oro at sa Bislig City. (DDC)